Իսրայելի պաշտպանության նախարարի այցը Վաշինգտոն հետաձգվել է
Բաժանորդագրվեք araratnews-ի տելեգրամ ալիքին։
Իսրայելի պաշտպանության նախարար Յոավ Գալանտի այցը Վաշինգտոն հետաձգվել է Իսրայելի վարչապետ Բենիամին Նեթանյահուի խնդրանքով։
Իսրայելական լրատվամիջոցները հայտնում են, որ Գալանտի մեկօրյա այցը Վաշինգտոն, որը նախատեսված էր հոկտեմբերի 9-ին, հետաձգվել է անհայտ ժամկետով։
Այս տեղեկատվության համաձայն՝ նախարարի այցը հետաձգվել է Նեթանյահուի առաջ քաշած պայմանների պատճառով։
Պաշտպանության նախարարը երեքշաբթի երեկոյան պետք է մեկներ ԱՄՆ՝ քննարկելու Իսրայելի արձագանքը Իրանի հրթիռային հարձակմանը։
Իսրայելական լրատվամիջոցները պնդում են, որ Նեթանյահուն արգելել է Գալանտին մեկնել ԱՄՆ, քանի դեռ նա հեռախոսով չի խոսել ԱՄՆ նախագահ Ջո Բայդենի հետ, և Իսրայելի անվտանգության կաբինետը չի հաստատել Իրանի դեմ պատասխան միջոցները։
09 Հոկտեմբեր, 2024 16:36
342