Բաժանորդագրվեք araratnews-ի տելեգրամ ալիքին։
Ինչպես արդեն հայտնի է՝ նոյեմբերի 21-ի երեկոյան ՌԴ նախագահ Վլադիմիր Պուտինը հանդես է եկել ելույթով, որում խոսել է երկրի շրջանների վրա արևմտյան ATACMS հրթիռների և Storm Shadow հեռահար համակարգերի հարձակումների հետևանքների մասին։
Նա նշել է, որ դրան ի պատասխան՝ Մոսկվան հաջողությամբ փորձարկել է միջին հեռահարության նորագույն հրթիռը, որը ստացել է «Օրեշնիկ» անվանումը, ասել է պետության ղեկավարը։
Միջազգային մամուլը շատ արագ արձագանքել է այս հայտարարությունը, տարբեր փորձագետներ մեկնաբանություններ են արեցլ դրա հնարավորությունների ու նպատակներ մասին։
Մասնավորապես՝ բրիտանական Associated Press-ը մեջբերել է Մեծ Բրիտանիայում ՄԱԿ-ի Պաշտպանական հետազոտությունների թագավորական ինստիտուտի ներկայացուցիչ Մեթյու Սավիլի խոսքերն այն մասին, որ, միջին հեռահարության նոր հրթիռ արձակելով, Ռուսաստանը ազդանշան ուղարկեց ոչ այնքան Ուկրաինային, որքան արևմտյան երկրներին։
Reuters-ի հետ զրույցում Օսլոյի համալսարանի հետազոտող Ֆաբիան Հոֆմանը շեշտել է, որ կարևոր չէ, թե հրթիռը միջմայրցամաքային բալիստիկ հրթիռ էր, թե միջին հեռահարության հրթիռ, դա նշանակություն չունի, «շատ ավելի կարևոր է այն փաստը, որ այն կրում էր առանձնացող գլխամասով մարտագլխիկ, որն ունի անհատական թիրախային ստորաբաժանումներ (MIRV IN)»,- ասել է փորձագետը՝ նշելով, որ մարտագլխիկների այս տեսակը կապված է բացառապես միջուկային զենք կրող հրթիռների հետ։
Այս մարտագլխիկները մշակվել են Սառը պատերազմի ժամանակ և թույլ են տալիս հրթիռին մի քանի միջուկային մարտագլխիկներ հասցնել տարբեր թիրախների, գրում է CNN-ը։ Հոֆմանը ամերիկյան հեռուստաալիքներից մեկին տված մեկնաբանությունում պարզաբանել է, որ այս տեսակի մարտագլխիկը նախատեսված է «հաղորդագրություն ուղարկելու համար»: Ռուսաստանի զինանոցում առկա սովորական հրթիռային համակարգերից ոչ մեկն այս տեխնոլոգիան չուներ, ասել է նա։
Նոր հրթիռի արձակումը հզոր ուղերձ է Ռուսաստանի նախագահի կողմից, ասում է Ռազմավարությունների և տեխնոլոգիաների վերլուծության կենտրոնի տնօրեն Ռուսլան Պուխովը։ «Սա շատ մտածված քայլ է, քանի որ այն չի պահանջում ԱՄՆ-ի պատասխան գործողությունները»,- ասել է փորձագետը Bloomberg-ին։ Ամերիկացի անանուն պաշտոնյան գործակալության հետ զրույցում ասել է, որ ԱՄՆ-ն իբր նախազգուշացրել է Ուկրաինային և մյուս դաշնակիցներին, որ Ռուսաստանը կարող է փորձարարական զենք կիրառել։
Ռուսական այլ հրթիռներ ևս կարող են միջուկային զենք կրել, հիշեցնում է Ռազմավարական և միջազգային հետազոտությունների կենտրոնի ավագ գիտաշխատող Թոմ Կարակոն The New York Times-ի մեկնաբանությունում: Դրանց թվում նա անվանել է «Իսկանդերը» եւ «X-101»-ը։ Միևնույն ժամանակ, փորձագետը նշել է, որ «ավելի տագնապալի» է նոր հրթիռի միանգամից մի քանի միջուկային մարտագլխիկ կրելու կարողությունը։
«Դա բավականին հստակ ազդանշան է»,- ասել է նա: