Բաժանորդագրվեք araratnews-ի տելեգրամ ալիքին։
ՀՀ ԷՆ զբոսաշրջության կոմիտեում հանդիպել են Կոմիտեի նախագահ Լուսինե Գևորգյանը և ՀՀ-ում Բելգիայի Թագավորության Արտակարգ և լիազոր դեսպան Ն․Գ․ Էրիկ Դե Մույնքը։
Կողմերը փոխանակեցին տեղեկատվություն առկա վիճակագրության, վիզային քաղաքականության, չվերթների վերաբերյալ, քննարկեցին Հայաստանի և Բելգիայի միջև զբոսաշրջության բնագավառում առկա զարգացումներն ու համագործակցության հնարավորությունները։
Հանդիպման ընթացքում Դեսպանը ներկայացրեց դեսպանության կողմից Հայաստանում իրականացվող ծրագրերը, խոսեց նախաձեռնությունների և Հայաստանում Բելգիայի ներկայությունն առավել տեսանելի դարձնելու ուղղությամբ նախատեսվող միջոցառումների մասին։
Կոմիտեի նախագահը շնորհակալություն հայտնեց Դեսպանին իրականացվող աշխատանքների համար՝ բարձր գնահատելով Հայաստանի և Բելգիայի միջև զբոսաշրջության բնագավառում համագործակցության ընդլայնմանն ուղղված միջոցառումների իրականացումը։
Երկու կողմերը պատրաստակամություն հայտնեցին իրենց իրավասությունների շրջանակներում հնարավորինս աջակցել հետագայում նախատեսվող գործընթացներին։