Բաժանորդագրվեք araratnews-ի տելեգրամ ալիքին։
Պանամայի նախագահ Խոսե Մուլինոն ասել է, որ կարող է դիմել ՄԱԿ-ի Անվտանգության խորհրդին, եթե ԱՄՆ նորընտիր նախագահ Դոնալդ Թրամփը շարունակի իր հռետորաբանությունը կենտրոնամերիկյան երկրի դեմ, գրում է Politico-ն՝ վկայակոչելով Պանամայի նախկին առաջնորդ Էռնեստո Բալադարեսին:
Թրամփը ավելի վաղ ասել էր, որ արդեն քննարկումների մեջ է Պանամայի իշխանությունների հետ Պանամայի ջրանցքի հարցի շուրջ, որը նա մտադիր է վերադարձնել ԱՄՆ վերահսկողությանը։
Թրամփն ասել է, որ Պանամայի իշխանությունները չափազանց մեծ մաքսատուրքեր են սահմանել ԱՄՆ ռազմածովային ուժերի նավերի վրա և խախտել են Վաշինգտոնի հետ «համաձայնության բոլոր կետերը»՝ ջրանցքի վերահսկողությունը հանձնելուց հետո։ Ավելին, Թրամփի խոսքով՝ այս ռազմավարական ակտիվն այժմ վերահսկվում է Չինաստանի կողմից։