Բաժանորդագրվեք araratnews-ի  տելեգրամ ալիքին։

Վրաստանում արտահերթ խորհրդարանական ընտրությունների անցկացումը բացառվում է երկրում ընդդիմության ցույցերի ֆոնին։ Այս մասին հայտարարել է Վրաստանի վարչապետ Իրակլի Կոբախիձեն։

«Գիտեք, թե ընդդիմությունն ինչ է պահանջում, առաջին հերթին արտահերթ ընտրություններ։ Ուզում եմ բոլորին հիշեցնել, որ Վրաստանում ընտրություններ տեղի կունենան 2028 թվականի հոկտեմբերին»,- ընդգծել է նա։

Ղեկավարը նաև խորհուրդ է տվել բոլորին պատրաստվել ընտրություններին իր նշած ամսաթվին։ Ինչպես հավելել է Կոբախիձեն, Վրաստանում ընդդիմությունը «կարող է իր բախտը փորձել» 2025 թվականի աշնանը կայանալիք ՏԻՄ ընտրություններում։

Հունվարի 22-ին Թբիլիսիում Վրաստանի խորհրդարանի մոտ սկսվել է հերթական հակակառավարական բողոքի ակցիան։

278