Բաժանորդագրվեք araratnews-ի տելեգրամ ալիքին։
Վազորդ Երվանդ Մկրտչյանը ոսկե մեդալ է նվաճել Բելգրադում երեկ մեկնարկած Բալկանյան երկրների 2025 թ. ձմեռային բաց առաջնությունում՝ առաջինը հաղթահարելով 1500 մ. վազքատարածությունը:
Հայաստանի մյուս ներկայացուցիչ, եռացատկորդ Գոռ Հովակիմյանն էլ դարձել է առաջնության արծաթե մեդալակիր: Սա Հովակիմյանի առաջին մեդալն էր Բալկանյան երկրների առաջնությունում: Նա հանդես է գալու նաև հեռացատկում:
Գրիգոր Բարսեղյանի գլխավորությամբ մրցավայր են մեկնել նաև Ռազմիկ Ղազարյանը (եռացատկ), վազորդներ Սամվել Գևորգյանը (60 մ.), Միլենա Գրիգորյանը (400մ.), Յանա Սարգսյանը (հեռացատկ, եռացատկ) և Իզաբելա Առաքելյանը (հեռացատկ):
Մրցումների ավարտից հետո մեր թիմը տեղում երկշաբաթյա ուսումնամարզական հավաք կանցկացնի, որպեսզի Հայաստանի աթլետները հնարավորինս լավ մարզավիճակով ներկայանան Նիդերլանդներում մարտի 6-9-ը կայանալիք Եվրոպայի ծածկած մարզասրահների առաջնությանը: