Բաժանորդագրվեք araratnews-ի  տելեգրամ ալիքին։

Հաստատվել է առողջապահության բնագավառի մասնագիտական գործունեության հիմնական մասնագիտությունների, նեղ և լրացուցիչ մասնագիտացումների ցանկը, որով կանոնակարգվել և հստակեցվել են հիմնական մասնագիտությունների, նեղ և լրացուցիչ մասնագիտացումների սահմանումները, դրանց կազմակերպման և իրականացման սկզբունքները, որոնք մինչ այժմ գործող կարգավորումներով սահմանված չէին:

Այս մասին սոցցանցի իր էջում հայտնել է նախարար Անահիտ Ավանեսյանը:

Նոր ցանկով սահմանված է.

40 հիմնական բժշկական մասնագիտություն,

4 ստոմատոլոգիական,

1 ֆարմացիայի,

1 հանրային առողջապահության:

Յուրաքանչյուր հիմնական մասնագիտության համար սահմանված են համապատասխան նեղ մասնագիտացումներ:

«Հարկ եմ համարում նշել, որ առաջին անգամ ներառված են նաև միջին մասնագիտական կրթություն ունեցող բուժաշխատողի մասնագիտական գործունեության վերաբերյալ կարգավորումներ:

Այս կարևորագույն աշխատանքը կյանքի է կոչվել մեր գլխավոր խորհրդատուների, մասնագիտական ասոցիացիաների, ոլորտային մասնագետների և կազմակերպությունների համատեղ ջանքերի ու արդյունավետ համագործակցության շնորհիվ»,- գրել է նախարարը: