Երևանի Համբարձումյան փողոցի թիվ 2 շենքի բնակարաններից մեկի բնակիչը բենզին է լցրել բնակարանում ու փորձել է հրկիզել այն։ Տեղեկությունը հայտնում է ՀՀ արտակարգ իրավիճակների նախարարությունը։

 

 

Ըստ հաղորդագրության` Ճգնաժամային կառավարման ազգային կենտրոնն ահազանգը ստացել է օգոստոսի 7-ին, ժամը 21։39-ին։

 

Դեպքի վայր մեկնած փրկարարներն ու հոգեբանական աջակցության բաժնի աշխատակիցները բնակարանից դուրս են բերել 56-ամյա Մհեր Մ․–ին ու տեղափոխել անվտանգ տարածք։

 

Բնակարանում կատարել են լվացման աշխատանքներ։ Հոգեբանական աջակցության բաժնի հոգեբանը դեպքի վայրում գտնվող քաղաքացիներին ցուցաբերել է հոգեբանական աջակցություն։



 

425