Բաժանորդագրվեք araratnews-ի տելեգրամ ալիքին։
Օրերս Սննդամթերքի անվտանգության տեսչական մարմնի ղեկավար Արմեն Դանիելյանը հյուրընկալել է Կենդանիների առողջության համաշխարհային կազմակերպության (WOAH/ԿԱՀԿ)՝ անասնաբուժության ոլորտի մի շարք փորձագետների:
Այցը ԿԱՀԿ կողմից հաստատված անասնաբուժական ծառայություններում առկա խնդիրների վերլուծության հարցերով (PVS Gap Analysis Update) առաքելության շրջանակներում էր:
Հանդիպման ընթացքում քննարկվել են անասնաբուժության, հանրային առողջության, կենդանիների առողջության, լաբորատորիաների, անասնաբուժական ծառայությունների կառավարման և այլ համարժեք ոլորտներում առկա բացերը:
Արմեն Դանիելյանը նշել է, որ իր ղեկավարած կառույցը բաց է համագործակցության համար և պատրաստ է տրամադրել ոլորտի կարգավորման համար անհրաժեշտ տեղեկություններ և ռեսուրսներ:
Այս առաքելության իրականացման նախադրյալ է հանդիսացել 2024 թվականին ԿԱՀԿ պատվիրակների 91-րդ գլխավոր նստաշրջանի ընթացքում հայկական պատվիրակության և ԿԱՀԿ ղեկավարության հետ կայացած հանդիպումն ու պայմանավորվածությունները։