Բաժանորդագրվեք araratnews-ի տելեգրամ ալիքին։
Մարտի 14-18-ը Հայաստանում անցկացված «Մանուշյանական շաբաթից» հետո, մարտի 28-ին Դեսին -Շարպիո քաղաքի «Տոբոգան» թատրոնում ներկայացվեց «Մանուշյան. այս հետկեսօրեին` ժամը 15.00-ին» պիեսը, որը պատմում է Միսաք Մանուշյանի և դիմադրության շարժման մարտիկների մասին՝ ֆրանսիացի երկու ոստիկանների կողմից Միսաք Մանուշյանի, Մարսել Ռայմանի, Ժոզեֆ Դավիդովիչի, Սպարտակո Ֆոնտանոյի և Օլգա Բանչիկի հացաքննությունների միջոցով։
Մարտի 14-ին` Արտաշատի Ամո Խարազյանի անվան պետական դրամատիկական թատրոնում այս ներկայացմամբ բացվեց Հայաստանում Ֆրանկոֆոնիայի երկամսյակը: Պիեսի հեղինակն է Շոշանա Բուխոբզան, իսկ բեմադրող ռեժիսորը՝ Սաթէ Խաչատրյանը թե´ հայաստանյան և թե´ ֆրանսիական տարբերակներում:
Մարտի 28-ին Տոբոգան թատրոնում երեկոն բացեցին ՀՀ կրթության, գիտության, մշակույթի և սպորտի նախարարի տեղակալ Դանիել Դանիելյանը և Դեսին-Շարպիոյի քաղաքապետի մշակույթի գծով տեղակալ և Տոբոգան թատրոնի նախագահ Դենի Ջորկայեֆֆը: Ներկա էին սենատոր, Ֆրանսիա-Հայաստան բարեկամության խմբի նախագահ Ժիլբեր-Լյուկ Դըվինազը, Լիոնի Մետրոպոլի փոխնախագահ Հելեն Դյուվիյե Դրոմենը, Լիոնի քաղաքապետի 1-ին տեղակալ Օդրե Հենոկը, Լիոնում Հայաստանի գլխավոր հյուպատոս Նարինե Նիկոլյանը, Լիոնում Լեհաստանի հյուպատոս Մարիուշ Բադակը, Արտաշատի թատրոնի տնօրեն Կամո Նաղդալյանը, Լիոնի Մետրոպոլի և Լիոն քաղաքի «Ռասիզմի դեմ պայքարի լիգայի» Օվերն-Ռոն-Ալպեր տարածաշրջանի մասնաճյուղի, Mont Valérien հուշահամալիրի և հայկական միությունների
Լիոնում Հայաստանի գլխավոր հյուպատոսությունը աջակցել է Սաթէ-Աթղը թատերական միության այս ծրագրին՝ Հայաստանի կրթության, գիտության, մշակույթի և սպորտի նախարարության, Օվերն-Ռոն-Ալպ տարածաշրջանի, Իզեր դեպարտամենտի, Լիոն քաղաքի և Լիոնի մետրոպոլի, Հայաստանում ֆրանսիական ինստիտուտի, Շոայի հիշողության հիմնադրամի, Դեսինի «Տոբոգան» և Բուրգուան Ժալիոյի «Ժան Վիլար» թատրոնների, Բրոնի Պոլ-ան-սեն, Վիլորբանի Ազգային ժողովրդական թատրոնկ, ՀԲԸՄ Լիոնի մասնաճյուղի, Ռասիզմի դեմ պայքարի լիգայի, SPEDIDAM-ի, Վալանսի Հայկական ժառանգության կենտրոնի և Հայաստան ձայնասփյուռի հետ համատեղ։ Հաջորդ ներկայացումը կցուցադրվի Վիշի քաղաքի թատրոնում:
Արտաշատի Ամո Խարազյանի անվան պետական դրամատիկական թատրոնում ներկայացման հայկական տարբերակը կրկին բեմում կլինի ապրիլի 11-ին և 25-ին:
