Բաժանորդագրվեք araratnews-ի տելեգրամ ալիքին։
ԱՄՆ նախագահ Դոնալդ Թրամփը մոտ ապագայում կարող է հեռախոսազրույց ունենալ ՌԴ նախագահ Վլադիմիր Պուտինի հետ։ Այս մասին, Araratnews.am-ի փոխանցմամբ, գրում է Politico-ն՝ վկայակոչելով Լոնդոնի ու Բեռլինի աղբյուրները։
Հրատարակության տվյալներով՝ այս մայրաքաղաքներում ակնկալում են, որ Թրամփի և Պուտինի զրույցը կարող է տեղի ունենալ կամ մինչև հաջորդ շաբաթավերջ, կամ հանգստյան օրերից հետո։
Մարտի 31-ին ՌԴ նախագահի մամուլի քարտուղար Դմիտրի Պեսկովը հայտարարել է, որ Վլադիմիր Պուտինը բաց է Դոնալդ Թրամփի հետ շփումների համար, և անհրաժեշտության դեպքում նրանց զրույցը կարող է արագ կազմակերպվել։
Ապրիլի 3-ին NBC News-ը, հղում անելով աղբյուրներին, հայտնել էր, որ Թրամփի շրջապատը խորհուրդ է տվել նրան չզանգել Պուտինին, քանի դեռ նա չի համաձայնել Ուկրաինայում ամբողջական հրադադարի հաստատմանը։