Բաժանորդագրվեք araratnews-ի տելեգրամ ալիքին։
ԱՄՆ նախագահ Դոնալդ Թրամփը հայտարարել է, որ, ի տարբերություն եվրոպացի առաջնորդների, կկարողանա հաջողությամբ համագործակցել Ռուսաստանի Դաշնության հետ Ուկրաինայի հակամարտության հարցում։
«Եվրոպան հաջողության չի հասել նախագահ Պուտինի հետ հարաբերություններում: Բայց ես կարծում եմ, որ ես հաջողակ կլինեմ»։ Այս մասին, Araratnews.am-ի փոխանցմամբ, ասել է Թրամփն իր ինքնաթիռում գտնվող ամերիկացի լրագրողներին՝ նկատի ունենալով ուկրաինական ճգնաժամը:
Նրա կարծիքով, Ուկրաինայի նախագահ Վլադիմիր Զելենսկին «ցանկանում է գործարք կնքել» հակամարտության կարգավորման համար։
«Եվ կարծում եմ, որ նախագահ Պուտինը նույնպես պատրաստ է գործարքի»,- հավելել է ԱՄՆ նախագահը։
Նա չի մեկնաբանել արտասահմանյան երկրների հետ տնտեսական համագործակցության հարցերով ՌԴ նախագահի հատուկ ներկայացուցիչ Կիրիլ Դմիտրիևի և ամերիկյան վարչակազմի ներկայացուցիչների բանակցությունները Վաշինգտոնում։ «Ես այս կամ այն մարդկանց մասին մեկնաբանություններ չեմ անում»,- ասել է Թրամփը։