Բաժանորդագրվեք araratnews-ի տելեգրամ ալիքին։
Ադրբեջանը, Թուրքիան, Բուլղարիան և Վրաստանը համաձայնագիր են ստորագրել էլեկտրահաղորդման համակարգերի արդիականացման ծրագրի շրջանակներում, որը թույլ կտա վերականգնվող էներգիայի աղբյուրներից արտադրված էլեկտրաէներգիայի առևտուրը և բարելավել էներգետիկ անվտանգությունը։
Ըստ Թուրքիայի էներգետիկայի և բնական պաշարների նախարար Ալփարսլան Բայրաքթարի՝ ծրագրի ավարտից հետո հաղորդման համակարգերը կարդիականացվեն, արտադրական ենթակառուցվածքները կգործեն ավելի արդյունավետ, և կբարձրանա էներգետիկ անվտանգությունը։
Բայրաքթարը նշել է, որ Թուրքիայի էլեկտրահաղորդման կորպորացիան (TEIAŞ) և Ադրբեջանում էլեկտրաէներգիայի խոշորագույն արտադրողը՝ Azerenerji-ն, ստորագրել են էներգետիկ համագործակցության ընդլայնման գործառնական համաձայնագիր, որը կապահովի Թուրքիայի և Նախիջևանի միջև էլեկտրաէներգիայի անխափան և հուսալի փոխանցումը, ինչպես նաև կհանգեցնի առկա ենթակառուցվածքների արդիականացմանը և հաղորդման հզորության ավելացմանը։