Բաժանորդագրվեք araratnews-ի տելեգրամ ալիքին։
ԱՄՆ իշխանությունները պատրաստ են օգնել Ուկրաինայի հակամարտության կարգավորմանը, եթե երկու կողմերն էլ հանձնառու լինեն խաղաղությանը։ Araratnews.am-ի փոխանցմամբ` այս մասին Փարիզում լրագրողներին հայտնել է ԱՄՆ պետքարտուղար Մարկո Ռուբիոն։
«Եթե երկու կողմերն էլ լուրջ են տրամադրված խաղաղության հասնելու հարցում, ապա մենք ցանկանում ենք օգնել»,- ընդգծել է նա։
Պետքարտուղարը հավելել է, որ Ուկրաինայում հակամարտության դադարեցման հնարավորության վերաբերյալ ըմբռնումը կլինի «մի քանի օրվա ընթացքում»։
«Մենք չենք շարունակելու այս աշխատանքը շաբաթներ ու ամիսներ շարունակ։ Այսպիսով, մենք պետք է շատ արագ որոշենք, ես խոսում եմ օրերի մասին, կամ արդյոք սա հնարավոր է իրականացնել առաջիկա մի քանի շաբաթների ընթացքում։ Եթե այդպես է, ապա մենք համաձայն ենք»,- ասել է Ռուբիոն։