ԴՆԹ-ի անալիզի արդյունքներով պարզվել Է այն մարդու անձը, որը Նեշվիլում (Թեննեսիի նահանգ) ֆուրգոնի պայթյուն Էր կազմակերպել Սուրբ ծնունդի առավոտյան:
Պարզվել Է, որ նա տեղի բնակիչ Է՝ Էնթոնի Քուին Ուոռներ անունով: Այդ մասին, ինչպես տեղեկացնում Է «Արմենպրես»-ը, հաղորդել Է CNN-ը:
Շրջանային դատախազ Դոն Քոքրանը մամուլի ասուլիսի ժամանակ հաստատել Է, որ Ուոռները ներկա Է եղել պայթյունի վայրում եւ զոհվել Է:
Հետաքննությունների դաշնային բյուրոյի (ՀԴԲ) ներկայացուցիչ Դեւիդ Ռոշը ճշտել Է, որ պայթունի կազմակերպչի անձը պարզել են ԴՆԹ-ի անալիզի արդյունքում:
Դեպքի վայրում գտնված նմուշները մատնանշել են Ուորենին: Թեննեսիում Հետաքննությունների դաշնային բյուրոյի տնօրեն Դեւիդ Ռաուշը հայտնել Է, որ ԴՆԹ-ն, որը վերցվել Է հանցագործության վայրից, համընկել Է Ուորենի նմուշների հետ:
Իշխանությունները հայտարարել են, որ պայթյունի կազմակերպմանը մասնակից այլ անձանց նշաններ չկան:
Հետազոտվում են տեղի ունեցածի հնարավոր դրդապատճառները: Ամերիկյան Նեշվիլի (Թեննեսիի նահանգ) կենտրոնում ավտոմեքենայի պայթյունը տեղի Է ունեցել ուրբաթ օրը՝ դեկտեմբերի 25-ի առավոտյան:
Տեղական ԶԼՄ-ների տվյալներով՝ տեղի ունեցածի արդյունքում վերքեր Է ստացել երեք մարդ: Նրանք բուժում են ստանում հիվանդանոցում, նրանց կյանքին ոչինչ չի սպառնում:
Պայթյունից կոտրվել են հարեւան տների ապակիները, մի քանի շենքերի նյութական վնաս Է հասցվել: Պայթյունից 15 րոպե առաջ ավտոմեքենայից լսվել Է ձայնագրված նախազգուշացումը վտանգի մասին: Ոստիկանությունը տարհանել Է մերձակայքում գտնվող շենքերի մարդկանց եւ կանչել սակրավորների: Տարհանվածների շրջանում ոչ ոք չի տուժել, հաղորդել Է «Ինտերֆաքս»-ը: