Բաժանորդագրվեք araratnews-ի տելեգրամ ալիքին։
Իրանի նախագահ Մասուդ Փեզեշքիանը «Fox News»-ի հետ հարցազրույցում հայտնել է, որ իր երկիրը չի ձգտում միջուկային զենք ստեղծել և պատրաստ է համաձայնության գալ ԱՄՆ-ի հետ մինչև նոյեմբերին կայանալիք միջանկյալ ընտրությունները։
Փեզեշքիանը նշել է, որ հիմնական խնդիրն այն է, որ ԱՄՆ-ն երկխոսության փոխարեն նախապատվությունը տալիս է ռազմական առճակատմանը։
«Խնդիրն այն է, որ Ամերիկան երկխոսության փոխարեն անմիջապես դիմում է պատերազմի. ռմբակոծում է մեզ և փակում բոլոր ուղիները»,- ընդգծել է նա
Փեզեշքիանը հայտարարել է, որ Թեհրանը պատրաստ է պահպանել Վաշինգտոնի հետ հունիսին ստորագրված համաձայնագիրը և քայլեր ձեռնարկել խնդրի կարգավորման ուղղությամբ՝ շեշտելով, որ հակամարտությունը չի սկսվել Թեհրանի կողմից։
Նա ընդգծել է, որ մարդիկ չպետք է սպանեն միմյանց և կարող են խնդիրները լուծել երկխոսության միջոցով։