Կանանց առաջատարը փոխվեց, իսկ տղամարդկանցը մնաց նույնը. ՀՀ շախմատի առաջնություն

Շախմատի Հայաստանի բարձրագույն խմբի առաջնությունում արդեն անցկացվել է 7 տուր:

Տղամարդկանց մրցաշարում աղյուսակը 6 միավորով գլխավորում է Հովհաննես Գաբուզյանը, որն այսօր խնդիրներ չունեցավ Զավեն Անդրիասյանի հետ սևերով խաղում: Նրանից կես միավոր քիչ է վաստակել Արման Փաշիկյանը, ով սպիտակներով մեծ դժվարությամբ կոտրեց փսրձառու Տիգրան Լ. Պետրոսյանի դիմադրությունը:

Առաջատարներից ետ չի մնում գործող չեմպիոն Սամվել Տեր-Սահակյանը, որը սպիտակներով հաղթեց պատանի գրոսմայստեր Շանթ Սարգսյանին և միավորների քանակը հասցրեց 4,5-ի: Նրան համաքայլ ընթացող Տիգրան Հարությունյանը լարված պայքարում պարտության մատնեց մրցաշարի ետնապահ Լևոն Բաբուջյանին, որը ընդամենը կես միավոր ունի:

Վաղը կայանալիք 8-րդ տուրում միմյանց հետ կհանդիպեն երկու առաջատարները: Հովհաննես Գաբուզյանը հանդես կգա սպիտակ խաղաքարերով: Սամվել Տեր-Սահակյանը կմրցի Ռոբերտ Հովհաննիսյանի, իսկ Տիգրան Հարությունյանը՝ Տիգրան Լ. Պետրոսյանի հետ:

Կանանց առաջնությունում տեղի ունեցավ առաջատարի փոփոխություն: Աղյուսակը միանձնյա գլխավորող Սուսաննա Գաբոյանը սպիտակներով անսպասելի պարտվեց մրցաշարի նորեկ Աստղիկ Հակոբյանին: Նրան հետապնդող Մարիա Գևորգյանը երկարատև պայքարից հետո, 88-րդ քայլին, հաղթեց Արփինե Գրիգորյանին, վաստակեց 5 միավոր և բարձրացավ 1-ին հորիզոնական:

Վաղը կկայանա նախավերջին՝ 8-րդ տուրը: Մարիա Գևորգյանը սևերով կխաղա ՖԻԴԵ-ի վարպետ Մարիամ Ավետիսյանի հետ, իսկ Սուսաննա Գաբոյանը կհանդիպի Նարե Առաքելյանին:

24 Փետրվար, 2021 01:53

1283

Կառավարիչը համատիրությանը պատճառել է առանձնապես խոշոր չափերով վնաս. ՔԿ

11 Հուլիս, 2025 13:06

ՀՀ-ն Աբու Դաբիում հանդիպումը համարում է հաջողված, այն կարող է խաղաղության գործընթացի հետագա իրացման լուրջ հիմք հանդիսանալ. ԱԳՆ

10 Հուլիս, 2025 23:14

Քեզ բեղմնավորող սերմն է ինսուլտ ստացած եղել. Արայիկ Հարությունյան

10 Հուլիս, 2025 16:45

13 հավաքական արդեն որակավորվել է Աշխարհի առաջնության եզրափակիչ փուլ

13 Հունիս, 2025 14:55

Հայաստանի հոկեյի հավաքականը 8։0 հաշվով հաղթել է Իրանին

17 Ապրիլ, 2025 22:50