Պոեզիայի համաշխարհային օրը` մարտի 21-ը, կնշնավորվի ինքնատիպ միջոցառումների անցկացմամբ։ «Դարան» գրախանութում այդ օրը նախատեսվում են բանաստեղծությունների ընթերցումներ՝ ժամանակակից սիրված հեղինակների մասնակցությամբ։ Ավելին, նրանք հանդես կգան նաև որպես գրքի խորհրդատուներ և ընթերցողներին կներկայացնեն գրականության լավագույն նմուշները։ Մասնավորապես, միջոցառման շրջանակում ընթերցողները հնարավորություն կունենան շփվել ժամանակակից պոետներ  Հուսիկ Արայի, Մհեր Արշակյանի, Լուսինե Եղյանի, Գևորգ Կաասի և այլ հեղինակների հետ։

Մարտի 21-ին, ժամը 17:00 գրախանութում կկայանա Էդուարդ Հարենցի «Մենակի ծնուշ» ժողովածուի շնորհանդեսը: «Մենակի ծնուշ» ժողովածուն տաղանդավոր բանաստեղծի ստեղծագործական ինքնատիպ կարելիությունների նոր արտահայտությունն է:

Ի դեպ, նշենք, որ Պոեզիայի համաշխարհային օրն ամենամյա տոն է, որը նշվում է մարտի 21-ին: Այս տոնը հռչակվել Է 1999 թվականի նոյեմբերի 15-ին ՅՈՒՆԵՍԿՕ-ի կողմից՝ Գլխավոր կոնֆերանսի 30-րդ նստաշրջանի բանաձևում: Ինչպես նշվել է ՅՈՒՆԵՍԿՕ-ի որոշման մեջ, տոնի ստեղծման նպատակն է «նոր լիցք և ճանաչում հաղորդել ազգային, տարածաշրջանային և միջազգային բանաստեղծական շարժումներին»։ Հայաստանում պոեզիայի համաշխարհային օրը սկսել է նշվել 2010 թվականից:

 

16 Մարտ, 2021 10:56
65
; ;