Պատգամավորներն ընդունեցին նախորդ օրը քննարկված օրենսդրական նախաձեռնությունները

Մայիսի 26-ին Ազգային ժողովը շարունակեց հերթական նիստերի աշխատանքը:

ԱԺ նախագահ Արարատ Միրզոյանը նշեց, որ երեկ Հայաստանի սահմաններից ապօրինի ներս գտնվող ադրբեջանցիների արձակած կրակոցից հայ զինծառայող է զոհվել: Պատգամավորները մեկ րոպե լռությամբ հարգեցին զոհված զինծառայողի հիշատակը:

Ազգային ժողովը քվեարկություններով ընդունեց նախորդ օրը քննարկված բոլոր օրենսդրական նախաձեռնությունները:

Խորհրդարանը քվեարկությամբ ընդունեց Կառավարության հեղինակած «ՀՀ հարկային օրենսգրքում լրացումներ կատարելու մասին» եւ կից ներկայացված օրենքների նախագծերի փաթեթը հատուկ ընթեցակարգով քննարկելու հարցը: Երկրորդ ընթերցմամբ քննարկումը կկազմակերպվի առաջին ընթերցմամբ ընդունումից հետո` 24 ժամվա ընթացքում:

Պատգամավորներ Մխիթար Հայրապետյանի եւ Անուշ Բեղլոյանի հեղինակած ««Պետական տուրքի մասին» օրենքում լրացում եւ փոփոխություն կատարելու մասին» եւ կից ներկայացված օրենքների նախագծերի փաթեթը հեղինակների առաջարկությամբ վերադարձվեց գրավոր առաջարկների ներկայացման փուլ:
 

26 Մայիս, 2021 15:01
958
9-ի փոխարեն 13 բալ. ՃՏ ո՞ր խախտումները կխստացվեն
08 Նոյեմբեր, 2024 20:35
Նոր օրենսդրական կարգավորումներ առևտրային ցանցերի և մատակարարների համար. ՄՊՀ
15 Փետրվար, 2024 20:01
Օրենսդրական փոփոխությունները պետք է լուծեն անվճար թարգմանության ինստիտուտի խնդիրը․ ՄԻՊ
15 Հուլիս, 2022 17:57