Այսօր ՀՀ Ազգային ժողովում շարունակվում են ԱԺ փոխնախագահի ընտրությունները։ Ընդդիմության կողմից առաջադրված թեկնածուն՝ «Հայաստան» դաշինքի պատգամավոր Իշխան Սաղաթելյանն է։

ԱԺ ընդդիմադիր փոխնախագահի քվեարկությանը մասնակցել է 103 պատգամավոր։ Իշխան Սաղաթելյանը այս անգամ ստացել է 64 կողմ ձայն, 37 դեմ, 2 քվեաթերթիկ անվավեր են եղել։ Այսպիսով, Իշխան Սաղաթելյանը երրորդ փորձից ընտրվեց ԱԺ փոխնախագահ։

Հիշեցնենք, որ երեկ՝ օգոստոսի 5-ին, Սաղաթելյանի ընտրության երկու փորձերն էլ տապալվել էին, նա չէր հավաքել անհրաժեշտ առնվազն 54 ձայնը։

3703