Երբ ճանապարհը դժվար է, տոնեք ձեր կատարած յուրաքանչյուր քայլը․ Պելե
Բրազիլիայի հավաքականի հետ ֆուտբոլի աշխարհի եռակի չեմպիոն Պելեն Instagram-ի իր էջում գրել է.
«Ես ուրախ եմ տուն վերադառնալ հիվանդանոցից դուրս գրվելուց հետո», և շնորհակալություն է հայտնել աշխարհի բոլոր երկրպագուներին աջակցության համար:
Պելեն հիվանդանոցից դուրս է գրվել հինգշաբթի։
80-ամյա բրազիլացին քիմիաթերապիան կշարունակի իր աղիքներում ուռուցքի հեռացման վիրահատությունից հետո, որը կատարվել է սեպտեմբերի 4-ին:
«Երբ ճանապարհը դժվար է, տոնեք ձեր կատարած յուրաքանչյուր քայլը: Կենտրոնացեք ձեր երջանկության վրա: Ճիշտ է, ես այլևս չեմ կարող ցատկել, բայց անցած օրերին ես սովորականից շատ անգամ բռունցքով հարվածել եմ օդում:
Շատ ուրախ եմ, որ վերադարձել եմ տուն: Ցանկանում եմ շնորհակալություն հայտնել հիվանդանոցի ողջ անձնակազմին, որն իմ հանգիստը հաճելի դարձրեց՝ ցուցաբերելով բարի և շատ ջերմ ընդունելություն:
Շնորհակալ եմ նաև բոլոր նրանց, ովքեր հեռվից իմ կյանքը լցնում են սիրո ուղերձներով»,- գրել է Պելեն:
Հիշեցնենք, որ Պելեն օգոստոսի 31-ին հոսպիտալացվել է սովորական հետազոտության համար, բայց բացահայտվել է քաղցկեղային հիվանդություն: Սեպտեմբերի 10-ին հայտարարեցին, որ նախկին ֆուտբոլիստը, վիրահատվելուց հետո շարունակում է մնալ վերակենդանացման բաժանմունքում և գտնվում է կայուն վիճակում: Սեպտեմբերի 14-ին հայտարարվեց, որ Պելեն տեղափոխվել է սովորական պալատ, սակայն երեք օր անց շնչառության դժվարության պատճառով վերադարձել է վերակենդանացման բաժանմունք:
248
Մեսսին հավաքականում գոլերի քանակով գերազանցել է Պելեին
10 Սեպտեմբեր, 2021 11:53
Պելեն վիրահատվել է
07 Սեպտեմբեր, 2021 10:46
Պելեն հերքել է առողջական խնդիրների մասին լուրը
01 Սեպտեմբեր, 2021 10:46
Ավելի քան 10 եվրոպական ասոցիացիա դիտարկում է ՖԻՖԱ-ից դուրս գալու հնարավորությունը
21 Հոկտեմբեր, 2021 11:44
ՖԻՖԱ․ Հնարավոր է, որ ֆուտբոլի աշխարհի առաջնությունները անցկացվեն երկու տարին մեկ
21 Հոկտեմբեր, 2021 10:50
<<Նիկարմ>> ՖԱ և ՀՖՖ ջանքերով Իջևանում անցկացվեց ֆուտբոլային փառատոն
29 Սեպտեմբեր, 2021 14:50