ԵՄ-ն փորձում է ջանքեր գործադրել Ուկրաինայի և Ռուսաստանի սահմանին ճգնաժամից խուսափելու համար՝ շեշտելով, որ Ուկրաինայի դեմ ցանկացած ագրեսիա կունենա «վճռական հետևանքներ»։ Այս մասին հայտնել է ԵՄ դիվանագիտության ղեկավար Ժոզեպ Բորելը։ 
«Մենք փորձում ենք ինչ-որ բան անել՝ ճգնաժամից խուսափելու համար: Այս ճգնաժամը պետք է կանխել, քանի որ եթե այն սկսվի, ապա դիմակայելը շատ դժվար կլինի: Պետք է ամեն ինչ անել, որպեսզի բոլորի համար պարզ լինի, որ Ուկրաինայի դեմ ցանկացած ագրեսիա կունենա կոշտ պատասխան: Այս մասին մենք այսօր կխոսենք ՆԱՏՕ-ի արտգործնախարարությունների ղեկավարների հետ»,- ասել է Բորելը ՆԱՏՕ-ի երկրների արտգործնախարարների հետ Ռիգայում համատեղ հանդիպումից առաջ։

254