ԵՄ արտաքին հարաբերությունների և անվտանգության հարցերով բարձրագույն ներկայացուցիչ Ժոզեպ Բորելը ծրագրում է այցելել Դոնբաս։ Այս մասին հաղորդել է Ուկրաինայի ԱԳՆ մամուլի ծառայությունը։

Նշվում է, որ Ուկրաինայի արտաքին գործերի նախարար Դմիտրի Կուլեբան Ստոկհոլմում բանակցություններ է վարել Բորելի հետ՝ տեղեկացնելով նրան ժամանակավորապես բռնակցված տարածքներում և Ուկրաինայի պետական ​​սահմանի մոտ անվտանգության իրավիճակի, ինչպես նաև Ռուսաստանի կողմից ագրեսիայի նոր ալիքի նախապատրաստման սպառնալիքի մասին։

Կուլեբան ԵՄ-ին կոչ է արել արագացնել աշխատանքը Ռուսաստանի Դաշնությանը հետագա ագրեսիվ գործողություններից զսպելու համապարփակ փաթեթի մեխանիզմների մշակման ուղղությամբ՝ ներառյալ Ռուսաստանի դեմ կոշտ տնտեսական պատժամիջոցները ագրեսիայի ընդլայնման դեպքում:

 

410