Ապարանում կրկնաքվեարկության դեպք է գրանցվել՝ հօգուտ «Կարեն Եղիազարյան» դաշինքի
«Հայկական ժամանակի» թղթակցի փոխանցմամբ, Արագածոտնի մարզի Ապարան համայնքի Լուսագյուղի 17/59 ընտրատեղամասում այսօր տեղի է ունեցել կրկնաքվեարկության դեպք:
Մասնավորապես՝ քաղաքացի Զաքարյան Վարդանի մոտ հայտնաբերվել են ծրար և քվեաթերթիկ, որն արդեն քվեարկված է եղել՝ հօգուտ առաջին համար «Կարեն Եղիազարյան» դաշինքի: Հանձնաժողովի նախագահը պատռել է տվյալ քվեաթերթիկը, կազմվել է արձանագրություն:
Հիշեցնենք, որ Արագածոտնի Ապարան համայնքում ՏԻՄ ընտրություններին մասնակցում է 2 քաղաքական ուժ՝ «Քաղաքացիական պայմանագիր» կուսակցությունը և «Կարեն Եղիազարյան» դաշինք:
06 Դեկտեմբեր, 2021 00:53
1551