Պուտին-Բայդեն տեսակոնֆերանսից ժամեր առաջ ամերիկյան մամուլում հայտնվել են լուրեր, որ ԱՄՆ-ը պատրաստվում է Ռուսաստանի դեմ նոր պատժամիջոցներ կիրառել, որին ի պատասխան՝  ՌԴ նախագահի մամուլի խոսնակ Դմիտրի Պեսկովը  նշել է, որ չի մեկնաբանում այդ տեղեկությունները, քանի որ չգիտեն՝ դա կեղծ ինֆորմացիա է, թե՞ դիտավորյալ արտահոսք։

Դմիտրի Պեսկովը նշել է, որ երկու երկրները ենթադրաբար կքննարկեն Ուկրաինայի շուրջ ստեղծված լարվածությունը, ՆԱՏՕ-ի առաջխաղացումը դեպի Ռուսաստանի Դաշնության սահմաններ և անվտանգության երաշխիքների վերաբերյալ Ռուսաստանի ղեկավարի նախաձեռնությունը։ «Պուտինն ու Բայդենը նպատակ ունեն երկխոսության, այլ ոչ թե փակուղում հայտնվելու։ Պուտինը Բայդենի հետ խոսելու է ոչ թե զգացմունքների, այլ ազգային շահերի հիման վրա»,- նշել է Կրեմլի խոսնակը։

421