Մեքսիկացի դերասանուհի եւ երգչուհի Տանյա Մենդոսին սպանել են երկրի հարավում գտնվող Կուերնավակա քաղաքում։ Այս մասին հայտարարել է երկրի գլխավոր ռազմական դատախազը:

Մենդոսի վրա հարձակումը տեղի է ունեցել այն պահին, երբ նա սպասում էր իր 11-ամյա որդուն մարզադաշտի մոտ, որտեղ տղան ֆուտբոլ էր պարապում: Երկու անհայտ անձինք մոտոցիկլետով մոտեցել են մարզահամալիրի մուտքին, եւ նրանցից մեկը կրակ է բացել կնոջ վրա։

42-ամյա դերասանուհին, որն առավել հայտնի է «Հարավի թագուհին» ֆիլմում իր մասնակցությամբ, տեղում մահացել է։ Մահափորձի մասնակիցներին չի հաջողվել բերման ենթարկել։ Ոստիկանությունը փնտրում է կասկածյալներին, ինչպես նաեւ պարզում է դեպքի բոլոր պատճառներն ու հանգամանքները։

Արմինե Մազմանյան

954