«ՊՍԺ»-ի արգենտինացի հարձակվող Լիոնել Մեսսին շարունակում է անհատական ​​մարզումները, հավանականություն կա, որ նա բաց կթողնի Ֆրանսիայի առաջնության 21-րդ տուրի՝ «Բրեստ»-ի դեմ հանդիպումը, հայտնում է Le Parisien-ը։

Չորեքշաբթի օրը «ՊՍԺ»-ն մարզում է անցկացրել, սակայն Մեսսին ընդհանուր խմբի խաղացողների թվում չի եղել։ Ավելի վաղ արգենտինացին բաց էր թողել Ֆրանսիայի առաջնության 20-րդ տուրի՝ «Լիոնի» դեմ հանդիպումը (1:1)՝ կորոնավիրուսային վարակից ապաքինվելու պատճառով։

Հիշեցնենք, որ «ՊՍԺ» - «Բրեստ» հանդիպումը կկայանա հունվարի 15-ին։ Մրցաշարային աղյուսակում «Պարի Սեն Ժերմենը» 47 միավորով առաջին տեղում է։

423