Շիրակի մարզում չափահաս ազգաբնակչության 41,5 տոկոսը պատվաստված է ։ Այս մասին տեղեկացնում է Շիրակի մարզպետարանը:

Առաջին դեղաչափը ստացել է 73 հազար, երկրորդը՝ 58838 բնակիչ։

Շիրակի մարզպետարանի առողջապահության և սոցիալական ապահովության վարչության պետի պարտականությունները կատարող Լեյլի Ասլանյանը Գյումրու պոլիկլինիկաների տնօրենների հետ հանդիպման ժամանակ անդրադարձել է ազգաբնակչության պատվաստումային ընդգրկվածությանն ու ցուցանիշներին՝ կարևորելով առողջության առաջնային պահպանման օղակի առավել ինտենսիվ աշխատանքը։

Մարզում ընթացքի մեջ է նաև COVID-19-ի դեմ խթանիչ (բուստեր) դեղաչափով պատվաստում իրականացնելու գործընթացը։

234