Իրանում անցած 24 ժամերի ընթացքում հաստատվել է կորոնավիրուսային հիվանդության ավելի քան երեք հազար նոր դեպք: Մահացել է 184 պացիենտ: Այդ մասին հայտնել է Իրանի առողջապահության, բուժման ու բժշկական կրթության նախարարության խոսնակը:
Ինչպես փոխանցում է https://parstoday.com-ը, Իրանում կորոնավիրուսի վարակակիրների ընդհանուր թիվը հասել է 432 հազար 798-ի, Իրանի առողջապահության նախարարության խոսնակ Սիմա Սադաթ Լարին հավելել է. «Ցավոք, անցած 24-ժամերի ընթացքում կորոնավիրուսից մահացել է 184 մարդ: Վարակի բռնկումից ի վեր մահացել է 24 հազար 840 մարդ»:
Իրանի առողջապահության նախարարության խոսնակն ասել է.«Իրանում կորոնավիրուսը հաղթահարել և հիվանդանոցներից դուրս է գրվել 365 հազար 846 մարդ»:
Աշխարհում նոր տիպի կորոնավիրուսային վարակով՝ COVID-19-ով հիվանդների թիվը հասել է ավելի քան 31 միլիոնի, որոնցից 976 հազարը մահացել է: