ՀՀ Քաղաքաշինության, տեխնիկական և հրդեհային անվտանգության տեսչական մարմինը (ՔՏՀԱ) 2021թ.  բացահայտված իրավախախտումների,վարչական արձանագրությունների և  կայացված որոշումների վերաբերյալ հաշվետվություն է ներկայացրել: Այս մասին տեղեկացնում է տեսչական մարմինը:

Կայացվել է վարչական տույժ նշանակելու վերաբերյալ 1.373 որոշում։ Դրանցով սահմանվել է ընդհանուր առմամբ 126 մլն 130 հազար ՀՀ դրամի տուգանք։

Քաղաքաշինության բնագավառում կայացվել է վարչական իրավախախտման վերաբերյալ 420 որոշում։ Նշանակվել է ընդհանուր առմամբ 49 մլն 810 հազար ՀՀ դրամի տուգանք։

Տեխնիկական և հրդեհային անվտանգության բնագավառում կայացվել է վարչական տույժ նշանակելու մասին 376 որոշում, նշանակվել՝ 45 մլն 280 հազար դրամի տուգանք։

Տրանսպորտային անվտանգության բնագավառում 2021 թվականի ընթացքում կազմվել է վարչական իրավախախտման վերաբերյալ 636 արձանագրություն, որից 503-ով կայացվել է վարչական տույժ նշանակելու մասին որոշում։

Էներգետիկայի և էներգասպառման բնագավառում իրականացված վերահսկողական գործառույթների արդյունքում կազմվել են 27 ստուգման ակտ և 13 արձանագրություն, որոնցով կայացվել է 36 որոշում՝ վարչական տույժ նշանակելու մասին։

Պետական և տեղական նշանակության գեոդեզիական և քարտեզագրական աշխատանքների և հողօգտագործման բնագավառում ստուգումների արդյունքում  կայացվել է վարչական տույժ նշանակելու մասին 38 որոշում:

Նշանակված տուգանքի գումարը կազմում է 10 մլն 200 հազար ՀՀ դրամ,  որից՝ 8 մլն-ը՝ տարեկան ծրագրով իրականացված ստուգումների, իսկ 2 մլն 200 հազարը՝  ըստ անհրաժեշտության իրականացված ստուգումների արդյունքներով։

2021 թվականին արձանագրված խախտումներին իրավական գնահատական տալու նպատակով  ՀՀ ՔՏՀԱ տեսչական մարմինը ՀՀ գլխավոր դատախազություն ներկայացել է 9 հաղորդում։

506