Երգող բժիշկը. ուկրաինական «Ձայնը» նախագծին մասնակցած հայ վիրաբույժը հիացրել է ժյուրիին (տեսանյութ)
Ուկրաինական «Ձայնը» նախագծին մասնակցած եւ ժյուրիին իր կատարմամբ հիացրած Նարեկ Ամիրյանը պատերազմի ծանր օրերին հայրենիքի պաշտպանների կողքին կանգնած «սպիտակ բանակի զինվորներից» մեկն էր։ Այս մասին ֆեյսբուքյան էջում գրել է ԵՊԲՀ ռեկտոր Արմեն Մուրադյանը՝ հրապարակելով Նարեկ Ամիրյանի ելույթի տեսագրությունը։
«Պատերազմի ծանր օրերին Նարեկը հայրենիքի պաշտպանների կողքին կանգնած «սպիտակ բանակի զինվորներից» մեկն էր»,- տեսանյութին կից գրել է Արմեն Մուրադյանը:
Տեսանյութում 27-ամյա վիրաբույժ-երաժիշտը խոստովանում է, որ կյանքում երբեք չի թողնի բժշկությունը։
«Պաշտում եմ վիրաբուժությունը։ Վիրահատությունների ժամանակ երգում եմ, դա օգնում է հաջող կատարել բոլոր վիրահատությունները: Բժշկությունը օգնում է, իսկ երաժշտությունը՝ բուժում»,- ասում է նա:
22 Փետրվար, 2022 00:45
2277