Աշխարհում պատժամիջոցների առճակատման հետագա ընդլայնումը կարող է սպառնալ մարդկության գոյությանը։ Այս մասին հայտարարել է Վենեսուելայի նախագահ Նիկոլաս Մադուրոն։ Նրա խոսքով՝ համաշխարհային հանրությունը պետք է հրաժարվի սրանից և թույլ չտա լարվածության աճ։
«Համաշխարհային պատերազմն արդեն սկսվել է։ Այժմ դրա առաջին փուլն է, որը կրում է տնտեսական բնույթ։ Պատժամիջոցներ, էմբարգոներ, նավթի, վառելիքի, երկաթի, պողպատի, ցորենի, պարարտանյութերի, եգիպտացորենի, բրնձի, ընդհանրապես հումքի մատակարարման անորոշություն, սննդամթերքի գների, հումքի, էներգառեսուրսների, ինչպես նաև արժույթի օգտագործման անորոշություն։ Դա արվում է երկրների և տարածաշրջանների ձեռքերը ոլորելու համար»,- հայտարարել է Մադուրոն։
Վենեսուելայի առաջնորդի տեսանկյունից, իրավիճակի վատթարացումը և պատժամիջոցների շարունակական ճնշումը կարող են ի վերջո հանգեցնել միջուկային պատերազմի, ուստի համաշխարհային հանրությունը պետք է այն դադարեցնի: