Վարչապետը հեռախոսազրույց է ունեցել Թուրքմենստանի գործող և նորընտիր նախագահների հետ

Վարչապետ Նիկոլ Փաշինյանը հեռախոսազրույց է ունեցել Թուրքմենստանի նախագահ Գուրբանգուլի Բերդիմուհամեդովի և Թուրքմենստանի նորընտիր նախագահ Սերդար Բերդիմուհամեդովի հետ:

Ինչպես տեղեկացրին ՀՀ վարչապետի աշխատակազմից, Նիկոլ Փաշինյանը Գուրբանգուլի Բերդիմուհամեդովին շնորհավորել է Թուրքմենստանում օրերս տեղի ունեցած նախագահական ընտրությունների կապակցությամբ և շնորհակալություն հայտնել վերջին տարիների համատեղ աշխատանքի համար:

Միաժամանակ, վարչապետը շնորհավորել է Սերդար Բերդիմուհամեդովին՝ ընտրություններում արձանագրած հաղթանակի առթիվ և մաղթել հաջողություններ պատասխանատու պաշտոնում: Նիկոլ Փաշինյանը պատրաստակամություն է հայտնել շարունակելու համագործակցությունը՝ ի նպաստ հայ-թուրքմենական հարաբերությունների հետագա զարգացման:

15 Մարտ, 2022 23:30

1423

Չեմ կարծում ՀՀ վարչապետը պետք է հանդիպումներից ուշանա խցանումների պատճառով․ վարչապետ

25 Հունիս, 2026 13:26

Պատրաստվում ենք բաց սահման ունենալ, պետք է սովորենք գնալ-գալ․ վարչապետը՝ Թուրքիա մեկնելու մասին

25 Հունիս, 2026 13:18

Իրաքի վարչապետը շնորհավորել է Նիկոլ Փաշինյանին

11 Հունիս, 2026 00:02

Իլհամ Ալիևն ու Դոնալդ Թրամփը հեռախոսազրույց են ունեցել

08 Օգոստոս, 2026 19:48

Պուտինն ու Ալիևը հեռախոսազրույց են ունեցել

28 Հուլիս, 2026 22:41