Ֆրանսիայի նախագահ Էմանուել Մակրոնի «Միասին» կոալիցիան  երկրի խորհրդարանական ընտրությունների երկրորդ փուլում հավաքել  է ձայների 38,57%-ը։ Իր հերթին Ժան-Լյուկ Մելանշոնի ձախակողմյան «Նոր ժողովրդական էկոլոգիական և սոցիալական միությունը» (Nupes) հավաքել է 31,6 %, Մարին Լը Պենի «Ազգային միասնություն» կուսակցությունը՝ 17,3 %, իսկ «Հանրապետականները»՝ 6,98 %:
Այսպիսով, Մակրոնի կոալիցիան չի ստացել Ազգային ժողովի մանդատների բացարձակ մեծամասնությունը։ Ներքին գործերի նախարարության տվյալներով՝ նա Ազգային ժողովում կստանա 245 մանդատ, իսկ Նուպեսը՝ 131։ «Ազգային միասնություն» և «Հանրապետականները» կստանան համապատասխանաբար 89 և 61 մանդատ։
Խորհրդարանական ընտրությունների երկրորդ փուլում հաղթելու համար բավական էր հավաքել ձայների պարզ մեծամասնությունը։

197