Ռուսաստանն  հնարավոր ամեն օգնություն ցուցաբերում է Ադրբեջանի և Հայաստանի միջև խաղաղության պայմանագրի ստորագրմանը։

Այս մասին ՌԴ արտգործնախարար Սերգեյ Լավրովը հայտարարել է «Россия Сегодня»-ին տված հարցազրույցում։

Նա նշել է, որ ավելի տրամաբանական է այս հարցն ուղղել Բաքվին ու Երևանին։

«Հենց նրանք են սահմանում շփումների դինամիկան և որոշում ապագա խաղաղության պայմանագրի բովանդակությունը։ Ռուսաստանը, որը ռազմավարական գործընկերության և դաշնակցային հարաբերություններ ունի և՛ Ադրբեջանի, և՛ Հայաստանի հետ, հնարավոր ամբողջ աջակցությունը ցուցաբերում է այս գործընթացին այն ձևով և ծավալով, որով շահագրգռված են մեր ադրբեջանցի և հայ ընկերները»,- ասել է նախարարը։

435