Իրանը խոստացել է կանանց թույլ տալ ներկա գտնվել տղամարդկանց ֆուտբոլի խաղերին
Իրանի ֆուտբոլի ֆեդերացիայի փոխղեկավար Մանսուր Գանբարզադեն խոստացել է բոլոր ջանքերը գործադրել, որպեսզի իրանցի կանանց ցանկությունը իրականանա և մոտ ապագայում ներկա գտնվեն տղամարդկանց թիմերի ֆուտբոլային հանդիպումներին։
1979 թվականին Իրանում Իսլամական հեղափոխությունից հետո կանայք չեն կարողացել ազատորեն ներկա գտնվել տղամարդկանց կողմից անցկացվող ֆուտբոլային հանդիպումներին:
«Մենք մեր խոսքն ենք տալիս, որ ֆուտբոլի ֆեդերացիան կգործադրի բոլոր ջանքերը, որպեսզի մեր երկրի կանանց այս արդար ցանկությունը մոտ ապագայում իրականանա»,- Գանբարզադեի խոսքերն է մեջբերում IRNA-ն։
Սպորտի պաշտոնյան չի նշել կոնկրետ ամսաթիվ, թե երբ կանանց կթույլատրվի ներկա գտնվել խաղերին, սակայն ընդգծել է, որ նման թույլտվությունը ՖԻՖԱ-ի և Ասիական ֆուտբոլի կոնֆեդերացիայի պահանջն է, և որ հանդիսատեսը կարողանա խաղերը դիտել մարզադաշտում։
Այնուամենայնիվ, ընդգծել է Գանբարզադեն, կանանց ներկայությունը մարզադաշտում պետք է պատշաճ կերպով կազմակերպվի և համաձայնեցվի այլ իշխանությունների հետ, բացի ֆուտբոլի ֆեդերացիայից։
24 Հունվար, 2023 13:25
280
Նոր մանրամասներ Թեհրանում Ադրբեջանի դեսպանատան վրա հարձակվողի մասին
02 Փետրվար, 2023 13:02
Իրանը մեղադրել է Իսրայելին Սպահանում պաշտպանության նախարարության շենքի վրա հարձակվելու մեջ
02 Փետրվար, 2023 11:13
Ադրբեջանը Իրանում իր դեսպանատան դեպքից հետո պարտավորությունների կատարման փաստաթղթեր է ներկայացրել միջազգային հարթակներում
01 Փետրվար, 2023 11:48