ՌԴ փոխարտգործնախարար Միխայիլ Գալուզինը հանդիպել է ՌԴ-ում Ադրբեջանի արտակարգ և լիազոր դեսպան Փոլադ Բյուլբյուլօղլուի հետ։

Այս մասին տեղեկություն է տարածել ՌԴ ԱԳՆ-ն՝ նշելով, որ հանդիպման ընթացքում քննարկվել են «Ադրբեջանի Հանրապետության և Ռուսաստանի Դաշնության միջև փոխադարձ համագործակցության մասին հռչակագրի» դրույթների իրականացման համատեքստում երկկողմ համագործակցության վիճակն ու հեռանկարները։

Նշվել է, որ շոշափվել են միջազգային և տարածաշրջանային մի շարք արդիական հարցեր, այդ թվում՝ Ռուսաստանի, Ադրբեջանի և Հայաստանի ղեկավարների միջև եռակողմ պայմանավորվածությունների կատարման հիման վրա հայ-ադրբեջանական հարաբերությունների կարգավորման հեռանկարները։

312