Ղրղզստանի նախկին նախագահն ազատ է արձակվել
![](https://araratnews.am/admin/images/1676368917.jpg)
Ղրղզստանի գերագույն դատարանի կոլեգիան չեղյալ է հայտարարել երկրի նախկին նախագահ Ալմազբեկ Աթամբաևի դատավճիռը՝ քրեական հեղինակություն Ազիզ Բատուկաևի ապօրինի ազատ արձակման գործով: Այս մասին հայտնում է Cactus Media-ն՝ վկայակոչելով պետության նախկին ղեկավարի փաստաբաններին:
Որոշումը կայացվել է փետրվարի 13-ի նիստին։ Այսպիսով, գերագույն դատարանը բավարարել է Աթամբաևի պաշտպանության միջնորդությունը և չեղյալ հայտարարել 2020-ին կայացված դատավճիռը՝ «երևան եկած նոր հանգամանքների» կապակցությամբ:
Ինչպես ճշտել են փաստաբանները, գործը նոր քննության է ուղարկվել Բիշքեկի Պերվոմայսկի շրջանային դատարան:
14 Փետրվար, 2023 14:01
467