ՌԴ նախագահի հատուկ օգնական Իգոր Լևիտինը Թեհրանում հանդիպել է Իրանի ազգային անվտանգության ԳԽ քարտուղար Ալի Շամխանիի, նախագահի առաջին տեղակալ Մոհամմադ Մոխբերի հետ, գրում է IRNA գործակալությունը:

Պաշտոնյաները քննարկել են երկկողմ համատեղ նախագծերի, այդ թվում՝ Ռաշթ-Աստարա երկաթուղու կառուցմանն առնչվող հարցեր: Շամխանին նախագիծը ռազմավարական է անվանել:

Մոխբերի հետ հանդիպմանն էլ ընդգծվել է, որ Իրանը և Ռուսաստանը կարող են դառնալ տարածաշրջանում որոշ պարենային ապրանքների արտահանման կենտրոն և ապահովել տարածաշրջանի երկրների կարիքների մի մասը:

Գործակալությունը նշել է, որ վերջին 6 ամսվա ընթացքում սա Ռուսաստանի նախագահի հատուկ օգնականի հինգերորդ այցն է Իրան: