Կիևի վրա անօդաչու թռչող սարքերով զանգվածային հարձակում է եղել
Կիևը հայտնվել է կրակի տակ: Քաղաքապետ Վիտալի Կլիչկոյի խոսքով՝ Ուկրաինայի մայրաքաղաքում մի քանի պայթյուն է որոտացել, գիշերային հարձակումը զանգվածային է եղել, անօդաչու թռչող սարքերը գործարկվել են մի քանի ալիքով։ Ականատեսները հայտնում են, որ ընդհանուր առմամբ լսվել են մեկ տասնյակից ավելի պայթյուններ, աշխատել է նաև հակաօդային պաշտպանության համակարգը և հնչել են օդային հարվածի ազդանշաններ։
Նշվում է, որ Կիևի ուղղությամբ խոցվել է ավելի քան 20 անօդաչու թռչող սարք, հաղորդվում է խաղաղ բնակչության շրջանում զոհերի և վիրավորների մասին:
Բնակելի շենքերից մեկում հրդեհ է բռնկվել, քաղաքացիները տարհանվել են: Վնասվել են նաև խանութներ և քաղաքացիական այլ օբյեկտներ:
30 Մայիս, 2023 13:07
476