Այս գիշեր հանկարծամահ է եղել 2023 թվականի հունվարի 19-ին ՀՀ Գեղարքունիքի մարզի Ազատ գյուղի վարչական տարածքում գտնվող զինվորական կացարանում զոհված 15 զինծառայողներից Գագիկ Բարսեղյանի հայրը՝ 44-ամյա Արման Բարսեղյանը։

Այս մասին հայտնել է զոհերի իրավահաջորդների ներկայացուցիչ, փաստաբան Նորայր Նորիկյանը։

«Լույսերի մեջ մնաս, սիրելի՛ Արման։

Խոսքեր չեմ գտնում սփոփելու հարազատներիդ քո ողբերգական ու անժամանակ մահվան բոթը ստանալուց հետո։

Սիրտդ չդիմացավ որդուդ ողբերգական մահից հետո։

Հինգ ամիս գրեթե ամեն օր տեսել ու զգացել եմ քո ապրումները, հույզերն ու հոգեվիճակը։

Թող լույս իջնի շիրիմիդ, եղբայր ջան․․․

Մարդկայնորեն իմ համար շոկային իրավիճակ է, և դժվար է որևէ բառ ասել․․․»,- գրել է նա:

 

7862