Ազգային ժողովը քննարկեց Փաստաբանության մասին օրենքում փոփոխություններ կատարելու մասին նախագիծը, որի զեկուցողն էր Արդարադատության նախարարի տեղակալ Լևոն Բալյանը:

«Նախագծով առաջարկվում է ստեղծել իրավական հիմքեր՝ հանրային պաշտպանի գրասենյակի աշխատավարձի ֆոնդին 15 տոկոսի չափով պետական բյուջեից գումար հատկացնելու համար՝ հանրային պաշտպանի կատարված արտաժամյա աշխատանքի նպատակով»,-ասաց նա:

Նա հայտնեց, որ այս պահին հանրային պաշտպանները ստանում են 395 հազար դրամ աշխատավարձ, նախագծի արդյունքում կգումարվի 15 տոկոսը: Բալյանը նաև նկատեց, որ հանրային պաշտպանի աշխատանքի  ծանրաբեռնվածությունը  գնալով աճում է:

 Նա հայտնեց, որ ներկայումս հանրային պաշտպանների հաստիքային միավորը կազմում է 69, որից 34-ը Երևան քաղաքում են:

 

327