Երևան քաղաքում ապամոնտաժվել են 419 ինքնակամ տեղադրված գովազդներ, որից 28-ը՝ խոշոր ցանցային գովազդների կազմակերպություններին պատկանող գովազդներ: Այս մասին այսօր գործակարգավարական նիստի ժամանակ զեկուցեցին քաղաքապետ Տիգրան Ավինյանին:

«Խոշոր գովազդային ընկերություններին ներկայացվել են չափորոշիչները և մինչև տարեվերջ ժամանակ է տրվել, որ ապամոնտաժեն իրենց գովազդային վահանակները: Դա տեղի չունեցավ: Մենք ինքներս ենք ապամոնտաժում խոշոր վահանակները, սա նշանակում է, որ մենք գործընկերային տրամաբանությամբ չենք գնացել և մաքսիմալ գործընկերային ենք մենք եղել, ավելի գործընկերային չի լինում: Բացի դրանից, այն ապամոնտաժված վահանակները, որ մենք պետք է իրականացնենք, դրա գումարը իրենք պետք է տան:  Մենք դատական կարգով պետք է պահանջենք այդ գումարները»,- ասաց Ավինյանը:  

249