Բաքուն արհեստական խոչընդոտներ է ստեղծում խաղաղության համաձայնագրի կնքման համար։ Այս մասին հայտնել է ԱԳ նախարար Արարատ Միրզոյանը վրացի գործընկերոջ հետ Թբիլիսիի համատեղ մամուլի ասուլիսում։
Նախարարը շնորհակալություն է հայտնել վրացական կողմին Ադրբեջանի հետ հարաբերությունների կարգավորմանը աջակցելու համար։
Միրզոյանը նշել է հայ-ադրբեջանական սահհմանազատման գործընթացը սկսելու եւ շարունակելու կարեւորությունը՝ նշելով, որ այն ընթանում է Ալմաթիի հռչակագրի հիման վրա։
«Մենք մեծ նշանակություն ենք տալիս գործընթացի շարունակմանը։ Զուգահեռ ընթանում է խաղաղության համաձայնագրի պատրաստումը, Հայաստանն այստեղ եւս տրամադրված է շատ կառուցողական։ Հուսով ենք եւ իրատեսական ենք համարում... եւ ինքս այդ մասին ասել եմ, որ մեկ ամսվա ընթացքում հնարավոր է՝ ինտենսիվ աշխատելով, ավարտել պատրաստումը եւ ստորագրել խաղաղության համաձայնագիրն Ադրբեջանի հետ։ Չեմ կարող ասել, որ առաջարկն ստացել է դրական արձագանք, հակառակը, մենք տեսնում ենք նոր, արհեստական խոչընդոտներ գործընթացը արգելակելու համար, բայց մենք շարունակում ենք հավատալ, որ կա իսկապես պատմական հնարավորություն երկարատեւ խաղաղության համար տարածաշրջանում»,- ասել է Միրզոյանը։