Ազգային ժողովում մեկնարկում է «Ամառային դպրոց» 𝟑-րդ ծրագիրը, հայտնում են ՀՀ ԱԺ-ից:

«Բացահայտիր հնարավորություններդ Ազգային ժողովի «Ամառային դպրոցում»

Հայաստանի Հանրապետության Ազգային ժողովը 𝟐𝟎𝟐𝟒 թվականի օգոստոսի 𝟏𝟗-ից Երեւանի եւ ՀՀ մարզերի հիմնական դպրոցների ավագ դասարանների ու ավագ դպրոցների աշակերտների համար կազմակերպում է երկշաբաթյա անվճար ամառային դպրոց։

Սա բացառիկ հնարավորություն է հանդիպելու երկրի առաջին դեմքերի, պատգամավորների ու պետական կառույցների մասնագետների հետ, ստանալու գիտելիքներ քաղաքագիտության եւ հասարակագիտության ոլորտներում:

Ի՞նչ է սպասվում քեզ.

Հանդիպումներ եւ քննարկումներ պատգամավորների ու բարձրաստիճան պաշտոնյաների հետ:

Հետաքրքիր դասեր, որոնք լի են նոր գիտելիքներով եւ տեղեկատվությամբ:

Այցելություններ թանգարաններ, մշակութային այլ վայրեր:

Հատուկ մրցանակներ.

Ծրագրի ավարտին մասնակիցները կստանան հավաստագրեր եւ խրախուսական նվերներ։

Ինչպե՞ս մասնակցել.

Անհրաժեշտ է հաղթել Ազգային ժողովի կողմից կազմակերպված մրցույթում։

Գրանցվելու համար անցիր հետեւյալ հղմամբ՝ bit.ly/3xP2Cux

Շտապիր, հայտերն ընդունվում են մինչեւ 𝟐𝟎𝟐𝟒 թվականի հուլիսի 𝟐𝟓-ը:

Հարցեր ունե՞ս.

Զանգահարիր՝ (𝟎𝟏𝟏) 𝟓𝟏𝟑-𝟔𝟐𝟕 հեռախոսահամարով:

Բաց մի թող հնարավորությունը՝ մասնակցելու այս եզակի նախաձեռնությանը: Անկասկած, սա կլինի ամառվա քո ամենահետաքրքիր փորձառությունը»,-ասված է հաղորդագրության մեջ։

374