Բաժանորդագրվեք araratnews-ի տելեգրամ ալիքին։
G20-ի գագաթնաժողովում Ռուսաստանի արտգործնախարար Սերգեյ Լավրովի և Ֆրանսիայի նախագահ Էմանուել Մակրոնի ձեռքսեղմումը մեծ աղմուկ է բարձրացրել ԶԼՄ-ներում, հայտարարել է Ֆրանսիայի ԱԳՆ պաշտոնական ներկայացուցիչ Քրիստոֆ Լեմուանը։
Նրա խոսքով, ձեռքսեղմումը դարձել է բազմաթիվ մեկնաբանությունների թեմա, սակայն պետությունների միջև կանոնավոր երկխոսություն չկա։
Լեմուանը հավելել է, որ Ֆրանսիայի և Ռուսաստանի միջև առկա շփումները «քաոսային» են։
Նախօրեին ՌԴ ԱԳՆ պաշտոնական ներկայացուցիչ Մարիա Զախարովան ասել էր, որ Մակրոնի ցանկությունը՝ ձեռքսեղմումով ողջունելու Լավրովին G20-ի գագաթնաժողովում, «երկու աթոռի քաղաքականության» դրսեւորում է։
Հիշեցնենք, որ Ռուսաստանի արտաքին գործերի նախարար Սերգեյ Լավրովը, որը գլխավորում էր ռուսական պատվիրակությունը Ռիո դե Ժանեյրոյում «Քսանյակի» գագաթնաժողովում, սեղմել է Ֆրանսիայի նախագահ Էմանուել Մակրոնի ձեռքը՝ նախքան հանդիպման մասնակիցների համատեղ լուսանկարը։
