Բաժանորդագրվեք araratnews-ի տելեգրամ ալիքին։
Գալիք 2025 թվականը, ըստ արևելյան օրացույցի, պարզապես Օձի տարի չի լինի, այլ՝ Կանաչ փայտե օձի: Օձը երկիմաստ նշան է՝ մի կողմից՝ վտանգավոր, մյուս կողմից՝ հանգիստ ու հմայիչ։ Արևելքում այն ավանդաբար համարվում է իմաստության, համեստության և դժվարությունների հաղթահարման օգնական:
Չինական Նոր տարում ընդունված է պատրաստել այնպիսի ուտեստներ, որոնք խորհրդանշում են հաջողություն և հատուկ նշանակություն ունեն։
Քանի որ Օձը գիշատիչ է, այս տարի տոնական սեղանին տեղին կլինեն մսային կամ ձկնային ուտեստները։ Տոնի գունային սխեմային համապատասխանելու համար դրանց վրա կարող եք ավելացնել կանաչ բանջարեղենի կողմնակի ուտեստ (սա ոչ միայն համեղ կլինի, այլև առողջարար):
Ցանկացած ուտեստ կարելի է զարդարել «օձի թեմատիկայով», սա տոնական առանձնահատուկ շունչ կհաղորդի սեղանին։
2025-ի տնային տնտեսուհին բավականին բծախնդիր է սննդի հարցում և նախընտրում է բնական սնունդ, ուստի տոնական սեղանին տեղին կլինեն տարբեր աղցանները, թարմ բանջարեղենն ու խոտաբույսերը։ Բացի առողջության համար իրենց ակնհայտ օգուտներից՝ բանջարեղենը խորհրդանշում է կենսունակություն և թարմություն:
Ամանորյա սեղանին շոգեխաշած ձուկ են մատուցում։ «Ձուկ» բառը նման է չինարենում «ավելցուկ» բառին: Տարեվերջին ավելցուկ ունենալը նշանակում է, որ հաջորդ տարում մարդը կկարողանա ավելի շատ վաստակել։ «Ծածանը (ձկան տեսակ) ցատկեց վիշապի դարպասի վրայով» ասացվածքը նույնպես կապված է բախտի հետ, ինչը նշանակում է հաջողության հասնել և կարգավիճակի բարձրացում։
Տոֆունը Չինաստանում մատուցում են Ամանորին։ Նրա անունը մանդարիներենում համահունչ է «հաջողություն»/«երջանկություն» բառի հետ։
Նաև ընդունված է մատուցել հավի մսով ուտեստներ, սփրինինգ ռոլլեր, թանգյուան գնդիկներ, նիան գաո կարկանդակներ և պելմենիներ: Վերջիններս պատրաստվում են Չինաստանի հյուսիսում հին փողերի ձուլակտորների տեսքով։