Բաժանորդագրվեք araratnews-ի տելեգրամ ալիքին։
Ուկրաինայի նախագահ Վլադիմիր Զելենսկին հանդիպել է Սաուդյան Արաբիայի թագաժառանգ Մուհամեդ բեն Սալման Ալ Սաուդի հետ։ Բանակցությունների ընթացքում քննարկվել են Ուկրաինայում պատերազմի դադարեցման և կայուն խաղաղության ապահովման հնարավոր քայլերն ու պայմանները։
Այս մասին Ուկրաինայի նախագահը հայտնել է իր Telegram-ի ալիքում՝ փոխանցում է Araratnews.am-ը։
«Մենք շատ մանրամասն քննարկեցինք Մուհամեդ բեն Սալման Ալ Սաուդի հետ այն քայլերն ու պայմանները, որոնք կարող են վերջ տալ պատերազմին և խաղաղությունը դարձնել հուսալի ու երկարատև։ Նա մասնավորապես նշել է բանտարկյալների ազատ արձակման և երեխաների վերադարձի հարցը, որը կարող է դառնալ դիվանագիտական ջանքերի նկատմամբ վստահության հաստատման առանցքային միջոցներից մեկը։ Զրույցի զգալի մասը նվիրված էր անվտանգության երաշխիքների ձևաչափերին»,- նշել է նա։