Բաժանորդագրվեք araratnews-ի տելեգրամ ալիքին։
Եթե Եվրամիությունը և Կանադան փորձեն «տնտեսական վնաս» հասցնել ԱՄՆ-ին, ապա նրանք կկանգնեն ավելի բարձր մաքսատուրքերի առջև, քան նախապես նախատեսված էր, հայտարարել է ԱՄՆ նախագահ Դոնալդ Թրամփը։
«Եթե Եվրամիությունը համագործակցի Կանադայի հետ՝ ԱՄՆ-ին տնտեսական վնաս պատճառելու համար, ապա երկուսի վրա էլ ավելի մեծ մաքսատուրքեր կսահմանվեն, քան ներկայումս է նախատեսված»։
Այս մասին գրում է Araratnews.am-ը՝ մեջբերելով պետության ղեկավարի Truth սոցիալական ցանցում արված գրառում։
Ավելի վաղ Վաշինգտոնը 25 տոկոս մաքսատուրք էր սահմանել Մեքսիկայից և Կանադայից ներկրվող ապրանքների համար, ինչպես նաև նոր մաքսատուրքեր Չինաստանից ապրանքների համար՝ 10 տոկոսից բարձրացնելով 20 տոկոսի։ Նա սա բացատրել էր նրանով, որ Կանադան և Մեքսիկան ներգրավված են ԱՄՆ մուտք գործող թմրանյութերի գործընթացում, իսկ Չինաստանը դրանք արտադրում է։