Բաժանորդագրվեք araratnews-ի տելեգրամ ալիքին։
Ադրբեջանի պետական անվտանգության ծառայությունը առևանգել է թալիշական ծագումով ռուսաստանցի քաղաքացու։ Այս մասին, Araratnews.am-ի փոխանցմամբ, հայտնում է OC Media լրատվականը։
Ռուսաստանի Եկատերինբուրգ քաղաքում մարտի 26-ին անհետացել է թալիշ պատմաբան Զախիրադին Իբրահիմովը։ Կարճ ժամանակ անց նրա հարազատները, որոնք գտնվում են հարավային Ադրբեջանի Լենքորանի շրջանում, նամակ են ստացել Ադրբեջանի պետական անվտանգության ծառայությունից (ՊԱԾ), որում Իբրահիմովի դեմ մի քանի մեղադրանքներ էին նշված, այդ թվում՝ պետական դավաճանություն։
Նրա ընկերը՝ թալիշ բլոգեր Ալի Աղաևը, որը աքսորված է և ապրում է Շվեդիայում, OC Media-ին ասել է, որ նրանք ճանաչում են միմյանց 1989 թվականից։ Իբրահիմովը Ռուսաստանում ապրում է ավելի քան քսան տարի, իսկ քաղաքացիություն է ստացել 2002 թվականին։